Hökumətdən sürpriz qərar: elektromobilə güzəşt ləğv edildi

İsveç hökuməti bu həftədən etibarən elektromobil və hibrid avtomobil alanlara güzəşti ləğv edib. Avtosfer.az xəbər verir ki, hökumət öz qərarını elektromobillər və daxili yanma mühərrikli avtomobillər arasında paritet yaranması ilə izah edib. Belə ki, 2018-ci ildən etibarən elektromobil alana 50 000 kuron (təxminən 9000 AZN), doldurulan hibrid model alana isə 10 000 kuron (təxminən 1600 AZN) dotasiya hesablanırdı. Bu məbləğ alışdan sonra 6 ay ərzində sürücüyə tədricən qaytarılırdı. Nəticədə bu ölkədə satılan ekoloji təmiz avtomobillərin sayı Avropa üzrə ümumi satışları üstələyirdi.
Yeni qərarın satışlara təsiri yaxın aylarda bilinəcək.
Yeri gəlmişkən, böyük mühərrik həcmli avtomobillərə tətbiq olunan əlavə vergi ləğv edilməyib.

Vüqar