“Kia” Rusiyada avtomobil satışını dayandıra bilər

Cənubi Koreyanın “Kia” avtomobil şirkəti Rusiyada işini dayandırmaq imkanını nəzərdən keçirir. Bu halda şirkət ölkədə yalnız satış sonrası xidməti davam etdirəcək.

“Kia”nın vitse-prezidenti olan U-Çon Çu hesab edir ki, satışlar dayandırıldıqdan sonra şirkət Rusiyada yalnız texniki, diaqnostika və təmir xidmətini göstərəcək. Satış üçün əsas mənfi faktor kimi vitse-prezident volatilniyi vurğulayıb.

Banker.az bu barədə “İnc.ru”ya istinadən xəbər verir.

Cənubi Koreyanın ən böyük broker şirkətlərindən biri olan “Samsung Securities”ə görə, 2021-ci ildə “Kia” Rusiyada ikinci ən populyar avtomobil markasıdır. “Kia”nın zavodu Rusiyanın Sankt-Peterburq şəhərində yerləşir. Zavodun istehsal gücü ildə 200 min ədəd təşkil edir, işçi heyəti isə 2.2 min nəfər.

banker.az