“Mercedes”in rəhbəri: Elektrik mühərriki istilik mühərrikindən üstündür - FOTO

Avropada elektromobilə keçid sürətlənsə də, bu texnika bəzi göstəricilərinə görə klassik maşınlardan geri qalır. Bəs bu gerilik nə qədər davam edəcək?

Avtosfer.az-ın xəbərinə görə, “Daimler”in baş direktoru Ola Kalenius məsələyə aydınlıq gətirib. Alman mediasına müsahibəsində iş adamı bildirib ki, elektromobil texniki cəhətdən istilik mühərrikikli avtomobildən üstündür: “Lakin elektromobil avtomobillə müqayisədə hələ ki, yeni texnologiyadır. Bizim qarşımızda geniş təkmilləşmə imkanı var. Bu onilliyin sonunda elektrik mühərrikləri texniki parametrlərinıə görə istilik mühərriklərini qabaqlayacaq”.

Şirkət rəhbəri istilik mühərrikləri sahəsində tədqiqatlara çəkilən xərclərin yaxın 3 ildə 80% azaldılaraq elektrik mühərrikləri sahəsinə yönəldiləcəyini bildirib. İş adamı elektromobilə marağın artması üçün doldurma məntəqələrinin sayının artırılmasını zəruri sayır. 
O, elektromobillərin hazırki vəziyyətinin avtomobilin 20-ci əsrin əvvəlindəki vəziyyəti ilə eyni olduğunu iddia edib.

Vüqar Yaşaroğlu