Minlərlə insanın evlərini tərk etmə səbəbi - VİDEO

Birləşmiş Millətlər Təşkilatı xəbərdarlıq edib ki, Ukraynada böyük bir bəndin dağıdılması minlərlə insan üçün ağır və geniş nəticələrə səbəb olacaq.

Avtosfer.az xəbər verir ki, BMT-nin yardım üzrə rəhbəri Martin Qriffits Ukraynanın cənubundakı Kaxovka bəndində baş verən fəlakətin miqyasının yalnız yaxın günlərdə aydınlaşacağını bildirib. Aktiv döyüş bölgəsi olan ərazidə minlərlə insan su basmış evlərini tərk edib. Su səviyyəsinin daha da artacağı ilə bağlı qorxular var. Çərşənbə günü səhər, Ukraynanın Xerson vilayətində kütləvi evakuasiya davam edərkən, orada geniş dağıntıların olduğunu göstərən peyk görüntüləri ortaya çıxıb. Fotolardan birində Ukraynanın nəzarəti altında olan regional paytaxt Xersonda su basmış liman və sənaye zonası əks olunub.

Nurlan Sakitoğlu