Oğurlanmış avtomobilini elan saytında tapdı

Qəribə hadisə Fransa vətəndaşının başına gəlib. 

Avtosfer.az-ın xəbərinə görə, Tuluz şəhər sakini avtomobilinin oğurlandığını görüb elan saytlarına baş çəkib. Elə “renault Clio” seçən kimi öz avtomobilinin satışa çıxarıldığını görüb. O, satıcı ilə danışaraq görüş təyin edib və görüşə getməzdən əvvəl polisə məlumat verib. 
Avtomobil sahibi “satıcı” ilə danışaraq razılaşdıqdan sonra polislərə gizlicə işarə verib. Saxlanılaraq bölməyə gətirilən şəxsin daha 2 avtomobil oğurladığı məlum olub. Polis 16 yaşlı gəncin bu əməlləri necə törətməsini araşdırır.

Vüqar Yaşaroğlu