Rusiyada satışda cəmi 313 “xarici maşın” qalıb - FOTO

Rusiya bazarında aşağı büdcəli təzə “xarici maşın”lar tükənib. Yalnız Çin modelləri istisnadır. 
Avtosfer.az-ın xəbərinə görə, Citroen, Kia, Opel, Skoda, Volkswagen və Renault öz saytlarında cəmi 313 avtomobil təklif edir. Hyundai isə bütün təzə avtomobillərin satılıb qurtardığını bildirib. 
Rusiyada aprelin 21-nə olan məlumata görə, 127 Skoda Rapid, 93Volkswagen Polo, 48 Citroen C4,  45 Kia Rio qalıb. Renault Logan və opel Astra  kimi böyük tələbat olan maşınlıar çoxdan satılıb qurtarıb.
Dəyişməz iqtisadi qanun olan təlb və təklif burada öz sözünü deyir: aşağı büdcəli avtomobillər 80%-dək bahalaşıb.  Məsələn, 2 il əvvəl 11 000 dollara satılan Kia Rio indi 18 500 dollardır.
Doğrudur, bu boşluğu “paralel idxal” yolu ilə qismən doldurmaq  mümkün olsa da, risklidir. Əvvəla, maşın alverçiləri sərfəli olmadığı üçün aşağı büdcəli avtomobilləri gətirmir. Digər tərəfdən, gəlmə avtomobillərin zəmanəti olmur. Bahalı modellərdə ən ciddi problem isə proqram təminatıdır.

Vüqar Yaşaroğlu