Şikayətlərdən bezən bələdiyyə parklama problemini belə həll etdi

Dünyada ən bahalı parklama olan şəhər məlum olub.
Avtosfer.az-ın xəbərinə görə, Niderlandın Haaqa şəhərinin bələdiyyəsi maraqlı bir işə imza atıb. 
Parklanma yerlərinin azlığına görə çoxsaylı şikayətlərdən bezən bələdiyyə mərkəzi küçələrdə parklama qiymətini 50 avroya (85 AZN) qaldırıb.  Bununla da əhali və turistlər maşınlarını daha ucuz olan kənar parkinqlərdə saaxlamağa məcbur olublar. Yerli əhaliyə yalnız evinin qarşısında pulsuz parklamağa icazə verilir. Üstəgəl parklama müddətinin qiymətə dəxli yoxdur. 1 dəqiqə ilə 1 sutkanın dəyəri eynidir. 
Yerli sakinlər qərardan razı qalsalar da, ticarət mərkəzləri etiraz edir. Onların fikrincə, bu qiymət biznesə zərbə vuracaq.

Vüqar Yaşaroğlu