SpaceX, avtomobillərin yüksək sürətli internetə qoşulmasına imkan verən antennasını təklif edir

SpaceX RV tipli avtomobillər üçün hazırlanmış yeni Starlink xidmətini istifadəyə verib. Yeni antenna istifadəçilərə yolda yüksək sürətli, aşağı gecikmə ilə internetə çıxış imkanı verəcək.

İlon Maskın rəhbərliyi altında kosmik şirkət olan SpaceX, bütün dünyada ucuz və sürətli peyk internet xidməti təqdim etmək üçün son illərdə “Starlink” adlı layihəsini başlatdı. Peyk bürcü üçün davamlı olaraq orbitə peyklər göndərən şirkət ümumi sayını 3500-dən çox artırmağı bacarıb. Bu yaxınlarda xidmətin Asiya ölkələrindən birində ilk dəfə istifadə olunduğu açıqlandı.

İndi Starlink haqqında yeni bir xəbər var. Bu gündən etibarən şirkət layihənin internet saytında yeni xidmət üçün sifarişlərin qəbuluna başlayıb. Bu xidmət antenna ilə birlikdə karvan tipli avtomobillərə yolda internetə qoşulmağa imkan verir.

İstifadəçilərə yolda yüksəksürətli internet təklif olunacaq

Mövzu ilə bağlı yazıda SpaceX yeni xidməti üçün “Yolda yüksək sürətli, aşağı gecikmə ilə internetdən həzz alın! İndi quruda hərəkət edərkən yüksək performanslı Starlink üçün sifarişlər qəbul edirik.” ifadələri işlədilib. Elon Musk da antenanı "hərəkət edən hər hansı quru obyekti üzərində işləyir" kimi təsvir edib.

Onu da əlavə edək ki, RV-lər üçün standart Starlink xidməti ötən ilin may ayında elan edilmiş və istifadə olunmağa başlamışdır. Bu xidmət isə yolda İnternetə qoşulmaq üçün yeni seçimdir.

Şirkət bildirir ki, yeni tip çanaq antenası nəqliyyat vasitələrinin üstünə quraşdırılıb, avtomobildə daimi qala bilir və sərt şərtlərə davamlıdır. Portativ istifadəyə üstünlük verilirsə, standart Starlink seçimi də istifadəçilərə təklif olunur. Həmçinin bildirilir ki, xidmət geniş baxış sahəsi və qabaqcıl GPS imkanları ilə təchiz edilib, daha çox peykə qoşula bilir və yolda ardıcıl əlaqə yaratmağa imkan verir.

Əhatə bölgələrində istifadə edilə bilən Starlink xidmətinin tədarüklərinin dekabr ayından etibarən verilməyə başlayacağı da açıqlamalar arasındadır. Şirkətin saytında görmək olar ki, avadanlıqların qiyməti standartda 599 dollar, yüksək performansda 2500 dollar, xidmət üçün tələb olunan aylıq ödəniş isə 135 dollardır. Müştərilər istənilən vaxt heç bir əlavə ödəniş etmədən xidməti dayandıra bilərlər. 

ted.az