"Tesla" avtomobilləri "Samsung" imzasını daşıya bilər

"Samsung"-un İdarə Heyətinin sədri Lee Jae-yong bu yaxınlarda "Tesla"-nın baş direktoru İlon Mask ilə görüşüb. Avtomobil prosessorlarının istehsalı ilə bağlı keçirilən görüşdə mühüm irəliləyişlər olub.

Avtosfer.az xəbər verir ki, "Tesla" bundan sonra istehsal edəcəyi avtomobillərində FSD (Tam Avtonom Sürücülük) texnologiyası üçün çip təchizatçısı axtarır. Bu baxımdan ən iddialı namizədin "Samsung" olduğu bildirilir. İki şirkət arasında razılıq əldə olunarsa, "Samsung" "Tesla" markalı avtomobillərin prosessorlarını istehsal edəcək. Bu prosessorların dizaynı "Tesla"-ya məxsus olacaq.

Artıq "Tesla" və "Samsung" arasında çoxlu əməkdaşlıq mövcuddur. Hazırda Koreya texnologiya nəhəngi "Tesla"-nı batareyalar, "Exynos Auto" prosessorları və kamera sensorları ilə təmin edir.

Görüşdən sonra şirkətlərdən hələ ki, dəqiq açıqlama verilməyib.

Trend