“TIR”la mikroavtobus toqquşdu: 15 ölü, 10 yaralı - FOTO

Kanadada ağır yol-nəqliyyat qəzası baş verib. Avtosfer.az xəbər verir ki, hadisə Hudson körfəzi sahilində yerləşən Manitoba əyalətində qeydə alınıb.

Bu barədə yerli “CTV News” telekanalı məlumat yayıb. Məlumata görə, “Trans-Canada” avtomagistralında “TIR”la içərisində bir çox yaşlı insanların olduğu mikroavtobus toqquşub. Nəticədə 15 nəfər ölüb, 10 nəfər isə xəsarət alıb.

Yaralılar əyalətin müxtəlif xəstəxanalarına yerləşdiliblər.

Polis hadisənin başvermə səbəbini araşdırır.

Namiq