“Toyota” Rusiyadakı bütün əməkdaşlarını işdən çıxaracaq

Avtodünya 8 Dekabr 2022 19:50 Oxunub 1092
“Toyota” Rusiyadakı bütün əməkdaşlarını işdən çıxaracaq
WhatsApp kanalımıza abunə ola bilərsiniz

Dekabrın 7-də Yaponiyanın avtomobil istehsalçısı “Toyota”nın mətbuat xidməti ilin sonuna qədər Rusiya filialının bütün əməkdaşlarının işdən çıxarılması prosedurunu başa çatdırmağı planlaşdırdığını açıqlayıb.

Mətbuat xidmətindən bildirilib ki, əvvəllər şirkətdə 2350 nəfər işləyirdi. Cəmiyyətin ləğvi proseduru başlayandan sonra 1937 işçi ilə əmək müqaviləsinə xitam verilməsi barədə razılıq əldə olunub.

Eyni zamanda qeyd edilib ki, hazırda ştatda daha 137 işçi var. Onların işdən çıxarılması məsələsi 2022-ci ilin sonuna kimi həll olunacaq.

Xatırladaq ki, şirkət 2022-ci ilin sentyabr ayının sonunda Qərbin sanksiyaları və zəruri komponentlərin logistikasında problemlərlə əlaqədar Rusiya filialının ləğvi barədə qərarını dərc edib.

oxu.az

ŞƏRH YAZ
Ad

E-mail

Şərh