Trampdan elektromobillə bağlı SƏRT ADDIM

ABŞ Prezidenti Donald Tramp elektromobillərlə bağlı federal dotasiyanı ləğv edib. 

Avtosfer.az xəbər verir ki, dotasiyanın həcmi 1 yeni elektromobil üçün 7500 dollar idi. Trampın fikrincə, bu yardım ədalətsizdir və digər maşınların satışını çətinləşdirir.
Dövlət başçısı eyni fərmanla elektrikdoldurma stansiyalarının da tikintisinə dövlətdən maliyyə ayrılmasını dayandırıb. Halbuki, Co Bayden 2021-ci ildə bu sahəyə 7 milyard ayırmışdı. Məqsəd 2030-cu ilədək doldurma stansiyalarının sayını yarım milyona çatdırmaq olub.

Ekspertlərin rəyinə görə, bu qərardan sonra ABŞ-də elektromobilə keçid ləngiyəcək. 2030-cu ilədək parkın heç 30 faizini elektromobillər təşkil etməyəcək. 
Bu qərardan sonra dövlət subsidiyası hesabına fəaliyyət göstərən elektromobil istehsalçıları müflis olacaq. Lakin bu addım İlon Maskın işinə yarayıb. Əslində təklif də elə Maskdan gəlib.

Ümumiyyətlə, Trampın avtomobil sənayesi ilə bağlı addımları ciddi narahatlıq doğurur.

Daha ətraflı aşağıdakı linkdə:

https://avtosfer.az/az/avtosfer-foto/trampin-beyanatinda-avtomobil-istehsalcilarini-narahat-eden-meqamlar-var-foto-270261

Vüqar Yaşaroğlu