Trampın Çin avtomobilləri ilə bağlı planı ABŞ-də narahatlıq yaratdı

İri avtomobil istehsalçıları, tədarükçülər və dilerlər ABŞ Prezidenti Donald Trampı gələn həftə Çin Prezidenti Si Cinpinlə planlaşdırılan görüşü ərəfəsində Çin avtomobil istehsalçılarının ABŞ bazarına daxil olmasına icazə verməməyə çağırıblar.
Avtosfer.az "Reuters"ə istinadən xəbər verir ki, bu barədə altı avtomobil sənayesi təşkilatının Trampa ünvanladığı məktubda bildirilib.
Keçən həftə Tramp "Fox News"ə müsahibəsində Çin avtomobil şirkətlərinin ABŞ-də avtomobil istehsal etməsinə qarşı olmadığını bildirib.
"General Motors", "Toyota", "Volkswagen", "Ford", "Hyundai", "Stellantis", "Tesla" və digər şirkətlərin maraqlarını təmsil edən təşkilatlar Tramp administrasiyasını Çin avtomobil istehsalçılarının ABŞ-də avtomobil satmasına, idxal etməsinə və ya istehsal etməsinə imkan verilməməsi ilə bağlı mövcud siyasəti qorumağa çağırıblar.
Məktubda qeyd olunub ki, Çin avtomobil istehsalçılarının ABŞ bazarında payı hazırda sıfırdır. Təşkilatların mövqeyinə görə, Çin şirkətlərinin ABŞ-də istehsal müəssisələri açmasına icazə verilməsi yerli avtomobil istehsalçılarına təsir göstərə və iş yerlərinin Çin şirkətlərinə keçməsinə səbəb ola bilər.
2025-ci ildə ABŞ-də qüvvəyə minən qaydalar Çinlə əlaqəli avtomobillərin və onların texnologiyalarının ABŞ bazarına çıxışını məhdudlaşdırıb. Məhdudiyyətlərin əsaslandırılmasında, digər məsələlərlə yanaşı, sürücülərin məlumatlarının təhlükəsizliyi ilə bağlı narahatlıqlar göstərilib. ABŞ Çin istehsalı elektromobillərə 100 faizlik tarif də tətbiq edir.
Hazırda Konqresdə Çin avtomobillərinin ABŞ bazarına çıxışına dair məhdudiyyətlərin daha da sərtləşdirilməsini nəzərdə tutan qanun layihəsi müzakirə olunur.
Bu ölkədə nömrənin hər hərfinə görə pul ödəniləcək
Rusiyada avtomobil satışında ciddi geriləmə - FOTO
Elektrik avtomobillərində gizli nasazlıq: Batareya problemi yaşanır
Çin avtomobilləri ilə bağlı daha bir QADAĞA
İlk avtomobili atla ötmək mümkün idi - FOTO
Bu avtomobildən cəmi 499 ədəd istehsal olunacaq - FOTO
"BMW" 720 mindən çox avtomobili geri çağırır
ABŞ-də 1955-ci ilin "Chevrolet"ni elektromobilə çevirdilər - FOTO
Avtomobil nəhəngi 32 illik əfsanəvi modelinin istehsalını DAYANDIRDI - FOTO
ABŞ ordusunda "BYD" ilə bağlı daha bir QADAĞA
"BMW" Çində kütləvi ixtisarlara gedir












