Türkiyədə "Fabrikdən İkinci Əl Avtomobil" tətbiqinin nə zaman işləyəcəyi açıqlandı

Renaultdan Türkiyə ilə bağlı diqqətçəkən açıqlamalar verilib. Şirkətin yüksək səviyyəli rəhbərləri “zavoddan işlənmiş avtomobil” tətbiqinin nə vaxt başlayacağını rəsmi olaraq elan ediblər.

Avtosfer.az xəbər verir ki, Türkiyədə avtomobil sahibi olmaq əvvəlkindən daha çətindir. Məlum COVID-19 pandemiyası yeni avtomobil istehsalını ciddi şəkildə azaldıb. Təklifin azalması ilə yanaşı, dollar/TL paritetinin təxminən üç dəfə artması səbəbindən istiqamətini ikinci əl avtomobilə çevirən vətəndaş təzədən baha olan nəqliyyat vasitələri ilə qarşılaşıb.

Belə ki, Türkiyənin ən məşhur avtomobil dilerlərindən biri olan Renault-dan diqqətəlayiq bir addım gəlib. İlk dəfə 2022-ci ilin əvvəlində səslənən bu hərəkət "zavoddan ikinci əl avtomobil" olaraq ortaya çıxıb. Bu layihənin bir hissəsi olaraq, Renault işlənmiş Renault avtomobillərini sözün əsl mənasında təmir edəcək və sonra yenidən satacaq. Bir neçə ay əvvəl rəsmi açıqlama verən Renault Groupun Türkiyə baş direktoru Hakan Doğu bu layihə üzərində işlərin davam etdiyini bildirib. İddialı danışan Doğu, 2023-cü ildən etibarən layihənin icraya başlayacağını bildirib. “Türkiyədə ikinci əlin taleyini dəyişəcəyik...”  - deyən Hakan Doğunun sözləri vətəndaşlar üçün ümidvericidir.

Hakan Doğu sistemin necə işləyəcəyi və hansı vasitələrin yenilənəcəyi ilə bağlı bu açıqlamaları verib: “Artıq son mərhələdəyik. Biz texnoloji sərmayələrimizə qərar verdik. Türkiyədə ikinci əlin taleyini dəyişəcəyik. Yeni oyun quracağıq. Yəqin ki, başqa istehsalçılar da bizi təqlid edəcəklər. Biz avtomobili davamlı olaraq yeniləyib zəmanət verəcəyik və əhalinin inamla istifadə edəcəyi münasib qiymətə maşınlar hazırlayacağıq. Yeniləmə mərkəzi Bursadakı Oyak Renault fabrikinin daxilində olacaq. Avtomobillərin ilkin olaraq 6 yaşına qədər dəyişdiriləcək, sonra isə biz bunu 10 ilə qədər uzatmağı planlaşdırırıq. Motor daxil olmaqla hər şeyi təzələmək olar. 2 il zəmanət də veriləcək.”

Sözügedən layihənin Türkiyə üçün çox əhəmiyyətli olduğunu deyən Berk Çağdaş, satışın necə olacağını bu sözlərlə açıqlayıb: “Biz ilk növbədə yenilənmiş ikinci əl avtomobillərin alqı-satqısını filiallarımız vasitəsilə həyata keçirmək istəyirik”.

Hakan Doğu Renault-nun Türkiyədəki fəaliyyəti haqqında da məlumat verib. Açıqlamada Bursadakı fabrikdə Ar-Ge mərkəzinin qurulacağı və yeni modelin istehsal ediləcəyi paylaşılıb: "Cənab Berk ilə birlikdə 4-5 innovativ layihəni tezliklə elan edəcəyik. Dünya dəyişir, avtomobil dəyişir. Özümüzə Türkiyədə avtomobilin Apple-ı olmağı hədəfləmişik.”

ted.az