“Yadplanetlilərdən” qaçan qadın polisə sığındı, sürücülük vəsiqəsindən oldu

Maraqlı əhvalat Fransanın Niort kommunasında baş verib. 
Avtosfer.az-ın xəbərinə görə, şlaqbaumun açıq olduğunu görən qadın sürücü yüksək sürətlə polis idarəsinin qarajına girib və qaçaraq polislərə sığınıb. Qadın yadplanetlilərin onu təqib etdiyini iddia edib. 
Təbii ki, polis bu iddiaya inanmayıb. Qadından gələn spirt iyi hər şeyi bəlli edirdi. 
Polislər onu avtomobilə mindirərək tibb məntəqəsinə aparıblar. Burada onun qanında 2,3 promil spirt və yüksək dozada metamfetamin (patı) aşkar edilib. 
Qadının vəsiqəsi alınıb, avtomobil cərimnə meydançasına göndərilib. Onun barəsində protokol tərtib edilərək baxılması üçün məhkəməyə təqdim edilib.

Vüqar Yaşaroğlu