Yeni model elektromobildə bərbad nəticə: 0 bal - FOTO - VİDEO

Biz adətən sovet avtomobillərinin təhlükəsizlik səviyyəsinin çox aşağı olması barədə dəfələrlə eşitmişik. Insanlarda belə bir fikir formalaşıb ki, “Jiquli” ilə qəzada ölüm və xəsarət riski qaçınılmazdır. Təbii ki, 70-ci ilin texnologiyasından başqa nə isə gözləmək mümkün deyil. Sən demə, problem son model texnikada da var imiş. 

Avtosfer.az xəbər verir ki, Meksikada keçirilən kraş testdə yeni elektromobil 0 bal toplayıb. Nəzərə alaq ki, Cənubi Amerikada sınqalar ABŞ və Avropaya nisbətdə daha yumşaqdır. Lakin sözügedən “Latin NCAP” testində Çinin “JAC E10X” modeli cəmi 0 bal toplayıb. 
Sözügedən model 2010-cu ildə Çində JAC modeli kimi istehsala başlayıb, sonradan elektromobilə çevrilib. O zaman çinlilər bu avtomobili Toyota Yarisin surəti kimi hazırlamışdılar. İndi isə istehsal Meksikanın İdalqo ştatında davam edir.  
Çinli iş adamları “JAC E10X” modelini Rusiyada da istehsal etməyi planlaşdırırlar.

Vüqar Yaşaroğlu