Səkinin ortasında “bazar” açılıb: piyadalar hərəkət edə bilmir - FOTO

Paytaxtın Həsən bəy Zərdabi küçəsində (“20 Yanvar” m/st. yaxınlığında) malların səkiyə qoyularaq satılması və piyadaların hərəkətinə çətinlik yaradılması vəziyyəti davam edir. Avtosfer.az xəbər verir ki, dəfələrlə mövzu barəsində məlumat verilsə də əhəmiyyət edən yoxdur. 
Qeyd edək ki, Azərbaycan Respublikası Prezidentinin 16 iyun 1999-cu il tarixli Fərmanı ilə təsdiq edilmiş “Yerli İcra Hakimiyyəti haqqında Əsasnamə”nin 25 və 32-ci maddələrinə uyğun olaraq hazırlanmış və mülkiyyət formasından asılı olmayaraq bütün hüquqi və fiziki şəxslərin Bakı şəhəri ərazisində səyyari (mövsümi) ticarət və xidmət fəaliyyətlərini tənzimləyən qaydaya əsasən səyyari (mövsümi) ticarət və xidmət küçələrin, səkilərin hərəkət hissəsində, hökumət və idarəetmə orqanları binalarına, tarixi memarlıq və heykəltəraşlıq abidələrinə, uşaq, məktəbəqədər və digər tədris müəssisələrinə bitişik ərazilərdə həyata keçirilə bilməz.
Müəyyən edilmiş sahələrdən kənarda səyyari (mövsümi) ticarət və xidmət fəaliyyəti qadağandır.
Təəssüf ki,  bu qaydalara davamlı nəzarət mexanizmi yoxdur və piyadaların səki ilə təhlükəsiz hərəkəti mümkünsüz olub.

Leyla