Bakı-Qazax yolunda avtomobili "protiv" sürdü - Məsuliyyətə cəlb olundu - VİDEO

Baş Dövlət Yol Polisi İdarəsinin əməkdaşı, polis baş leytenantı Elvin Hacıyev Avtosfer.az-a bildirib ki, görüntülərlə bağlı araşdırma aparılıb. Yolun əks istiqamətində hərəkət etməklə digər sürücülərə təhlükə yaradan sürücü müəyyən edilərək saxlanılıb. İdarə etdiyi avtomobil müvəqqəti duracağa yerləşdirilib. Barəsində hüquqi məsuliyyət tədbirləri görülür.

***

Bakı-Qazax yolunda "Mercedes" markalı 10-UM-931 dövlət nömrə nişanlı avtomobilin sürücüsü maşını hərəkətin əks istiqamətində sürüb.
Avtosfer.az xəbər verir ki, bu barədə görüntülər baku.ws-in "qaynar xətti"nə daxil olub.
Bildirilib ki, hadisə bu gün qeydə alınıb. 

Qeyd edək ki, bu xətaya görə 150 manat 4 bal cərimə nəzərdə tutulur.
Hadisəyə dair kadrları təqdim edirik: