Yol polisini kapotda sürüyən vəsiqəsiz şəxs film kimi hadisə törətdi - VİDEO

Hüquq-mühafizə orqanlarına tabesizlik göstərən sürücü saxlanılıb. Avtosfer.az xəbər verir ki, hadisə Rusiyanın paytaxtı Moskvanın cənub-şərqində qeydə alınıb.

Azərbaycanda kommunal xidmətlər yenidən bahalaşacaq? - VACİB AÇIQLAMA

Məlumata görə, sərxoş vəziyyətdə olan sürücü Dövlət Yol Polisi əməkdaşının "saxla" əmrinə tabe olmayaraq onu idarə etdiyi avtomobilin kapotunda bir neçə metr sürüyüb. Hadisə yerindən qaçmağa nail olan şəxs avtomobili yanacaqdoldurma məntəqəsində tərk edərək taksi ilə Lyubertsi şəhərinə yollanıb. İzləri itirməyə çalışan şübhəli şəxs orada başqa bir nəqliyyat vasitəsinə əyləşib və həmin avtomobilin dövlət qeydiyyat nişanlarını söküb. Lakin həyata keçirilən əməliyyat-axtarış tədbirləri nəticəsində qısa müddətdə saxlanılıb.

Araşdırma zamanı məlum olub ki, saxlanılan şəxsin nəqliyyat vasitəsini idarə etmək hüququ (sürücülük vəsiqəsi) yoxdur. Sürücü sərxoşluq testindən keçməkdən imtina edib.

Faktla bağlı araşdırma davam edir, saxlanılan şəxsi ağır bədən xəsarəti yetirməyə cəhd və polis əməkdaşına qarşı zorakılıq maddələri ilə cinayət işi açılıb.

Namiq Musayev