Ağdamın simvolu sayılan “Çay Evi” ermənilər tərəfindən dağıdılıb - FOTO

Bir zamanlar Ağdamda rayon və bu bölgəyə yolu düşənlərin sevə-sevə üz tutduğu məşhur "Çay Evi” işğalçı Ermənistan ordusu tərəfindən tamamilə dağıdılıb. 

Avtosafer.az bildirir ki, həmin iaşə obyektinin görüntüsü yayılıb. 

Fotodan aydın olur ki, sözügedən obyektdən əsər-əlamət qalmayıb. 

Qeyd edək ki, ermənilər tərəfindən dağıdılan "Çay Evi”nin ideya müəllifi Azərbaycan Milli Elmələr Akademiyasının müxbir üzvü, Xudu Məmmədov olub.

Onu da bildirək ki, işğal zamanı ermənilərin tamamilə dağıtdığı məşhur "Çay Evi”nin oxşarı Quzanlı qəsəbəsində tikilib. Bu obyekt bir sıra özəllikləri ilə diqqət çəkir. "Çay Evi” köhnə binanın memarlıq üslubunda tikilib. Fərq ondan ibarətdir ki, ermənilər tərəfindən dağıdılan köhnə bina dəmir və ağac materiallarından hazırlanmışdı. Yeni binanın inşasında isə dəmir və beton konstruksiyalardan istifadə edilib.