Alınmaz qalanın mətin komandiri!

Şiddətli döyüşlərin getdiyi bir vaxtda yaralansada tabeliyindəki əsgər və zabitləri döyüş meydanında tək qoymayan komandirimiz!

Gəncə şəhərindən olan bölük komandiri baş leytenant Mətin Abdinov Ordumuzun döyüş əməliyyatlarında qəhrəmanlıq sücaətləri göstərən hərbiçilərimizdəndir.

2-ci Qarabağ Vətən müharibəsinin başladığı ilk günlərdə Mətin də yaşadığı region üzrə hərbi komissarlığa müraciət etmiş və könüllü olaraq cəbhəyə getmişdir. Ordumuzun Füzuli, Cəbrayıl, Qubadlı, Xocavənd və Şuşa şəhəri istiqamətlərində gedən döyüş əməliyyatlarında xüsusi qəhrəmanlıq şücaətləri göstərərək bölük komandiri kimi vuruşmuşdur.

Vətən müharibəsinin ilk günü qəlpə yarası alaraq yaralansada, lakin buna baxmayaraq, o, müalicəsini davam etdirməkdənsə döyüşməyi üstün tutmuşdur. Şiddətli döyüşlərin getdiyi bir vaxtda tabeliyindəki əsgər və zabitləri tək qoymadan döyüşlərdə iştirak edib, düşmənə sarsıdıcı zərbələr endirib.

Azərbaycan Ordusunun çoxsaylı igid zabitlərindən biri olan Mətin Abdinov, əks-hücum əməliyyatı zamanı ikinci dəfə Şuşa şəhərində düşmənin minaatanlarının zərbəsi nəticəsində çoxlu sayda qəlpə yaraları alaraq ağır yaralanıb. Hazırda müalicəsi davam etdirilir.

Mətin Abdinov Şuşaya ilk qədəm qoyan komandirlərdəndir. İstərdik ki, hər kəs igid qəhrəmanlıq şücaəti göstərən qəhrəmanımızı tanısın. Şuşanın və digər ərazilərimizin işğalcılardan azad olunmasında baş leytenant Mətin Abdinov kimi igid qəhramanlarımıza borcluyuq! Biz onlarla fəxr edərək qürur duyuruq!

Yaşasın Azərbaycan! Qarabağ bizimdir!