ATƏT tərəfləri sülhə sadiq qalmağa çağırır - VİDEO

“Ümid edirəm ki, Dağlıq Qarabağ bölgəsində hərbi əməliyyatların dayandırılmasını nəzərdə tutan bəyanatın imzalanması münaqişə bölgəsindəki mülki şəxslərin həyatını qoruyacaq.” 

Baku TV xəbər verir ki, bunu ATƏT-in Parlament Assambleyasının prezidenti Giorgi Tsereteli bildirib. O, müharibə zamanı həlak olanlarla bağlı başsağlığı verib və tərəfləri meyitlərin, hərbi əsirlərin mübadiləsinə dərhal başlamağa çağırıb. 

Giorgi Tseretelinin sözlərinə görə, dayanıqlı sülhə aparan yol bəzən müharibədən daha çətindir:

“Məcburi köçkünlər və qaçqınların təhlükəsiz qayıtmasını təmin etməyə, münaqişənin hərtərəfli həllinə nail olmağa və birgə gələcək qurmaq üçün bütün tərəfləri sülh danışıqlarına sadiqliklərini təsdiqləməyə çağırıram”, - deyə müraciətdə qeyd olunub.  

Xatırladaq ki ötən gün Azərbaycan, Rusiya prezidentləri və  Ermənistan Baş naziri Nikol Paşinyan arasında  Dağlıq Qarabağ münaqişəsinin tənzimlənməsi ilə bağlı bəyannamə imzalanıb. Bu sənəd münaqişənin hərbi fazasının yekunlaşmasını və sülh yolu ilə işğal altında olan digər ərazilərimizin Azərbaycana qaytarılmasını nəzərdə tutur. Bəyannaməyə əsasən, Ermənistana yola düşən Rusiyanın sülhməramlı kontingenti atəşkəsə və Dağlıq Qarabağ münaqişəsi zonasındakı hərbi əməliyyatlara nəzarət etmək üçün xidməti sahələrə yollanıblar.