Azərbaycanda 10 nəqliyyat vasitəsi özəlləşdirilib

İqtisadiyyat Nazirliyi yanında Əmlak Məsələləri Dövlət Xidmətinin keçirdiyi növbəti hərracda 10 nəqliyyat vasitəsi özəlləşdirilib.

Bu barədə Avtosfer.az-a Dövlət Xidmətindən bildirilib.

Məlumata görə, dövlət əmlaklarına ümumilikdə 42 sifariş qəbul edilib.

“UAZ” markalı avtomobilin start qiyməti 3 500 manat olsa da, ən son təklif 8 400 manata yüksəlib. Ilkin qiyməti 8 100 manat olan “QAZ 3302” markalı nəqliyyat vasitəsi 8 570 manata özəlləşdirilib.

Hərracda satılan nəqliyyat vasitələrinin siyahısı ilə https://clck.ru/35QxX7 linki vasitəsilə tanış olmaq olar.

Növbəti hərrac avqustun 29-da keçiriləcək.