Bakıda avtobus dayanacağını zəbt edən taksilər ərazidən YIĞIŞDIRILDI - VİDEO

Avtoxəbər 24 May 2023 23:35 Oxunub 826
Bakıda avtobus dayanacağını zəbt edən taksilər ərazidən YIĞIŞDIRILDI   - VİDEO
WhatsApp kanalımıza abunə ola bilərsiniz

Bakının Səbail rayonu ərazisində 20-ci sahə adlanan yerdə avtobus dayanacağı taksilər tərəfindən zəbt edilib.

Belə ki, taksilər qaydalara riayət etmədən qanunsuz və nizamsız şəkildə avtobusların dayanacağa daxil olmasına imkan vermir, üstəlik, ərazini bağlayaraq sərnişinlərin də avtobuslara rahat şəkildə minməsinə mane olur. 

Qeyd edək ki, analoji hal hər gün yaşandığı üçün sərnişinlərin ciddi narahatlığına və etirazına səbəb olub. Elə onların müraciəti əsasında məsələni ictimailəşdirdik. 

Çox keçmədən Bakı Şəhər Dövlət Yol Polisi (DYP) İdarəsi dərhal məsələyə operativ reaksiya verib və özügedən taksilərin ərazidən yığışdırılmasına başlanıb. 

Bu barədə Bizim.Media-ya qurumun baş inspektoru, polis mayoru Araz Əsgərli məlumat verib.

Onun sözlərinə görə hazırda Səbail rayonu Dövlət Yol Polisinin əməkdaşları həmin ərazidədirlər. Qanun pozuntusuna yol vermiş taksi sürücüləri barədə lazımi tədbirlər görülür. 

Qeyd edək ki, İnzibati Xətalar Məcəlləsinin 346.2-ci maddəsinə uyğun olaraq bu hal 40 manat məbləğində cərimə məsuliyyəti yaradır. 

ŞƏRH YAZ
Ad

E-mail

Şərh