Çin avtomobillərini oğurluqdan qorumağın yolları

Çin istehsalı avtomobillərin sahibləri onların təhlükəsizliyini xüsusi avadanlıq quraşdırmaqla hər zaman artıra bilərlər. Avtosfer.az xəbər verir ki, bu barədə ekspertlər bildiriblər. Onların sözlərinə görə, Çin avtomobil şirkətləri ilkin mərhələdə oğurluğa qarşı mübarizədən daha çox sürücü rahatlığına diqqət yetiriblər.

“Anti-oğurluq baxımından Çin avtomobilləri həqiqətən zəifdir. İstehsalçılar təhlükəsizliyə xüsusi diqqət etməyib, daha çox digər texnologiyaların arxasınca qaçıblar. Avtomobili bir növ smartfona çevirməyə çalışıblar”, — deyə mütəxəssislər bildiriblər. Qeyd edilib ki, hazırda Çin şirkətləri üçün oğurluqdan qorunma məsələləri prioritet sayılmır, bunun səbəblərindən biri də Çində avtomobil oğurluqlarının sayının az olmasıdır.

Bunun üçün əlavə mühafizə sisteminin quraşdırılması kifayətdir. “Diler xidmətləri çərçivəsində adətən yaxşı ola biləcək mühafizə sistemlərinin axın şəklində quraşdırılması təklif olunur. Quraşdırma kütləvi şəkildə aparıldığı üçün keyfiyyət aşağı olur. Cinayətkar belə siqnalizasiyanı asanlıqla söndürə bilər. Peşəkar emalatxanalarda isə quraşdırma daha səriştəli şəkildə həyata keçirilir”, — deyə ekspertlər tövsiyə ediblər.

Onların fikrincə, rəqəmsal bloklamaya malik telematik sistemin, kapot kilidinin, kriptodavamlı avtorizasiyanın və fərdi şifrələmə açarları olan nişanın quraşdırılması kifayət edər.(lent.az)