Çinli istehsalçı təhlükəli qüsuru gizlədir – İDDİA 

Belə bir vəziyyəti təsəvvür edir: hərəkətdə olduğunuz zaman avtomobilin sükanı kilidlənir və siz heç nə edə bilmirsiniz. Son çarə kəskin tormozlamaya qalır və avtomobil maneəyə və ya digər avtomobilə dəyərək dayanır. 
 
Avtosfer.az “Economic Information Daily” nəşrinə istinadla xəbər verir ki, Çinin “Xpeng” markasının P7+ modelində sükanın hərəkət zamanı kilidlənməsi barədə bir çox ölkədən siqnal alınıb. Ən çox problem isə Çində müşahidə olunub.

Məsələnin ictimailəşməsinə də Çin mediasında və sosial şəbəkədəki xəbərlər səbəb olub.
Lakin “Xpeng” avropalı istehsalçılardan fərqli davranıb: kütləvi geriçağırma əvəzinə periodik texniki baxışa gələn avtomobillərin sükan kolonunda bəzi hissələr sökülərək yenidən hermetik vurularaq bağlanır və nasazlıq aradan qalxır. Tək-tək hallarda isə sükan mexanizmi bütövlükdə dəyişdirilir. 

Qeyd edək ki, oxşar problem “Lada Vesta”da da müşahidə olunur. Bunun səbəbi isə köhnə proqram təminatıdır.

Vüqar