Dağlıq Qarabağ münaqişəsi KTMT-nin öhdəliklərinə daxil deyil - Politoloq

Dağlıq Qarabağ münaqişəsi Kollektiv Təhlükəsizlik Müqaviləsi Təşkilatının (KTMT) öhdəliklərinə daxil deyil.

Avtosfer.az xəbər verir ki, bunu Trend-ə qazaxıstanlı politoloq İslam Kurayev deyib.

Onun sözlərinə görə, bu məsələdə Qazaxıstan Azərbaycanın mövqeyini tam dəstəkləyir. Politoloq bildirib ki, KTMT nəzərə alınsa, Belarus indi bu məsələ ilə bağlı fikri bildirmək vəziyyətində deyil, Qazaxıstan isə heç vaxt Ermənistanı dəstəkləməyəcək:

“Bu, onunla əlaqədardır ki, hazırda söhbət Azərbaycanın beynəlxalq səviyyədə tanınmış sərhədləri çərçivəsində işğaldan gedir, amma KTMT-nin məcəlləsinə ərazi münaqişələri daxil deyil”.