Dörd silindrli mühərrikdə 1500 at gücü - VİDEO

Adi halda çoxları 4 silindrli mühərriki qənaət üçün seçir. Bu mühərriklər həcmindən asıl olaraq orta hesabla 80-150 at gücu hasil edir. Lakin bu silindr sayında daha böyük güc hasil etmək də mükündür. 
Avtosfer.az xəbər verir ki, Finlandiyada layihələndirilmiş “Thor” adlı 4 silindrli mühərrikdən 1500 at gücü hasil etmək mümkündür. 4 litr həcmdə olan mühərrikin litraj gücü (hər 1 litrdən əldə edilən güc) 375 at qüvvəsidir. 140 000 dollarlıq mühərrik əsasən yarış avtomobilləri üçün nəzərdə tutulub.
Belə bir sual ortaya çıxır: nə üçün kiçik həcmli mühərrikdən bu qədər güc hasil edildiyi halda biz 100-150 at gücündə olan zəif mühərriklərlə kifayətlənirik: burda cavab həm iqtisadi, həm də texnikidir.
Əvvəla, bu mühərriklərin resursu çox kiçikdir, əksər hallarda 10 000 kilometri keçmir. Müasir avtombillərdə isə bu müddətə ancaq yağ dəyişdirilir. İkinci, bu mühərriklərin hazırlanmasında bahalı ərintilər tətbiq olunur ki, bu da məhsulun maya dəyərini artırır. Nəhayət, belə gücə malik mühərriklərdə yanacaq sərfiyyatı çox yüksəkdir, ekoloji trəflərdən isə ümumiyyətlə danışmağa dəyməz.

Vüqar