Erkan Özoral: “Füzulinin dağıdılması erməni vandalizminin bariz nümunəsidir”

“Azərbaycan 30 il sonra öz torpaqlarının işğaldan azad etdi. Ermənilər burada hər şeyi dağıdıblar. Azərbaycan böyük bir qələbə qazanıb”.

Avtosfer.az-ın məlumatına görə, bu fikirləri Türkiyənin Azərbaycandakı səfiri Erkan Özoral söyləyib:

“Azərbaycan möhkəm dayanıb və bundan sonra da bütün əraziləri bərpa edəcək. Buraya həyat qayıdacaq və bu, Azərbaycanın ikinci böyük qələbəsi olacaq”.

“Füzuli şəhərinin dağıdılması Azərbaycana və Azərbaycan xalqına qarşı erməni vandalizminin və vəhşiliyinin bariz nümunəsidir”, - Türkiyənin Azərbaycandakı səfiri vurğulayıb.