Füzuli şəhərindən Şuşaya yol çəkilir - Prezident layihə ilə tanış oldu

Füzuli şəhərindən Şuşa şəhərinə yol çəkilir. Avtosfer.az-ın məlumatına görə, artıq yolun çəkilişinə start verilib. Prezident İlham Əliyev və birinci xanım Mehriban Əliyeva Füzuli rayonunda layihənin icrasının gedişi ilə tanış olublar.

Prezident bu münasibətlə bütün Azərbaycan xalqını təbrik edib: “Bu yolun çox böyük əhəmiyyəti var. Çünki bu yol bizi Qarabağın tacı olan Şuşa şəhərinə aparır. Eyni zamanda bu layihə işğaldan azad edilmiş torpaqlarda icra edilən birinci layihədir.

Son illər ərzində ölkəmizdə bir çox yollar inşa edilib. Və deyə bilərəm ki, 2004-cü ildən bu günə qədər 16 min km-dən çox avtomobil yolu çəkilibdir. Yollar da keyfiyyətlidir. Bu göstəriciyə görə, Azərbaycan dünyada qabaqcıl yerlərdədir”.