Hikmət Hacıyev: “Ermənistanın sülhə məcbur edilməsi əməliyyatının birinci hissəsi başa çatıb”

“Ermənistanın sülhə məcbur edilməsi əməliyyatının birinci hissəsi başa çatıb”.

Avtosfer.az xəbər verir ki, bunu bu gün keçirilən brifinqdə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, Azərbaycan işğal faktoru ilə heç zaman barışmayacaq:

“Dünən Ali Baş Komandanın tapşırığı ilə Xarici İşlər naziri Ceyhun Bayramov Moskva görüşündə iştirak edib. Görünən odur ki, Ermənistan tərəfi humanitar atəşkəs rejiminin tətbiq olunmasından yenə də istifadə edir. Azərbaycanla heç kim şərtlərlə danışa bilməz. Atəşkəs sülh deyil. Amma buna baxmayaraq biz yenə də Ermənistanın riyakarlığını görürük”.