Azərbaycan Ordusu Zəngilan şəhərini işğaldan azad edib.

Bunu Azərbaycan Respublikasının Prezidenti İlham Əliyev xalqa müraciətində bəyan edib.

İ.Əliyev müraciətində yeni azad edilən məntəqələri də elan edib:

“Füzuli rayonunun altı kəndi - Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı kəndləri, Cəbrayıl rayonunun yeddi - Sarafşa, Həsənqaydı, Fuğanlı, İmanbağı, Daşveysəlli, Ağtəpə, Yarəhmədli kəndləri, Xocavənd rayonunun beş – Ağcakənd, Mülküdərə, Daşbaşı, Günəşli (keçmiş Noraşen), Vəng kəndləri, Zəngilan rayonunun altı kəndi – Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri işğaldan azad olunub”

Dövlət başçısı Vəng kəndinin adının dəyişdirildiyini də elan edib:

“Bundan sonra Vəng kəndi Çinarlı kəndi adalandırılacaq”.