İşğaldan azad olunmuş ərazilərdə bərpa olunmuş və yeni çəkilmiş yollar

Avtoxəbər 26 Yanvar 2021 13:46
İşğaldan azad olunmuş ərazilərdə bərpa olunmuş və yeni çəkilmiş yollar
WhatsApp kanalımıza abunə olun

"İşğaldan azad edilmiş bütün ərazilərdə mövcud yolların mina və döyüş sursatlarından təmizlənərək bərpası və yeni yolların təmizlənməsi işləri aparılır".

Avtosfer.az-ın məlumatına görə, bunu jurnalistlərə açıqlamasında Mühəndis Qoşunları İdarəsinin rəis müavini polkovnik Ceyhun Cəfərov deyib.

O bildirib ki, paralel olaraq, digər dövlət qurumları ilə qarşılıqlı əlaqədə kommunikasiya xətlərinin çəkilməsi üçün həmin xətlərin keçdiyi ərazilərə ayrılmış qruplar tərəfindən minatəmizləmə tapşırıqları uğurla yerinə yetirilib: "Ümumilikdə 135,5 km yol bərpa edilib və 80 km yeni yol çəkilib".

Polkovnik Ceyhun Cəfərov vurğulayıb ki, ərazilərin mina və partlamamış döyüş sursatlarından tam təmizləməsi zamanı 1453 ədəd tank əleyhinə mina aşkar edilərək zərərsizləşdirilib: "Bundan başqa 5420 ədəd piyada əleyhinə mina və 17500 ədəd müxtəlif çaplı döyüş sursatları aşkar edilərək zərərsizləşdirilib".
Oxunub : 1238
DİGƏR XƏBƏRLƏR
ŞƏRH YAZ
Ad

E-mail

Şərh