Köhnə avtomobillər yığışdırılanda ciddi problem ortaya çıxa bilər - Etibarnamə
Avtoxəbər 5 Dekabr 2022 11:45 Oxunub 2382
Köhnə avtomobillər yığışdırılanda ciddi problem ortaya çıxa bilər - Etibarnamə

Azərbaycanda son həftələrdə köhnə avtomobillərin utilizasiyası məsələsi ciddi müzakirə olunur. Bu sahədə qanunvericilik baxımından da müəyyən irəliləyişin olması mütərəqqi haldır. Bəs proqramın reallaşmasında hansı problem ortaya çıxa bilər? Qonşu ölkənin təcrübəsinə baxaq. 

Avtosfer.az xəbər verir ki, Rusiyada 2010-2011-ci ildə həyata keçirilən ilk utilizasiya proqramı zamanı ortaya çıxan problemlərdən biri də etibarnamə məsələsi idi. Qanuna görə, avtomobili utilizasiyaya verən şəxs azı 1 il ona sahib olmalı idi. Elə həngamə də burada qopdu.
Rusiyada SSRİ-dən qalmış etibarnamə ilə satış üsulu geniş yayıldığı üçün bəzilərinin əlinə fürsət düşdü. Etibarnamə mülkiyyət hüququ vermədiyi üçün  bəzi avtomobil sahibləri etibarnaməni ləğv edib illər əvvəl satdıqları avtomobili geri qaytardılar. Məhkəmələrdə bununla bağlı çox sayda iddia qaldırıldı. Bu işə görə döyülən və öldürülənlər də az olmadı. Artıq proqramdan 11 il keçib və məsələ unudulub. 

Bizdə də belə problemlərin yaranacağı istisna edilmir. Çünki ölkəmizdə vaxtilə ikinci əl avtomobillərin əksəriyyəti elə 20-30 illik etibarnamə ilə satılırdı. Bu pis tendensiyaya son qoyulsa da, əvvəlki illərdə etibarnamə ilə satılmış avtomobillərin sayı on minlərlədir. Elə utilizasiya olunmalı texnikanın əksəriyyəti bu qəbildəndir.
Yeri gəlmişkən, Rusiyadakı utilizasiya proqramı dövründə Rusiyada avtomobil satışlarında rekord qeydə alındı. Paralel olaraq Federasiyada qəzaların və yolda qalan avtomobillərin sayı da azaldı.

 

Vüqar

ŞƏRH YAZ
Ad

E-mail

Şərh