Plyonkalı avtomobilin sərfiyyatı azalır? - FOTO

Azərbaycanda plyonka adətən şüşələrə çəkilir ki, salondakılar görünməsin. Lakin almanlar ondan başqa məqsədlə istifadə edirlər.  

Avtosfer.az-ın xəbərinə görə, Frayburq Günəş Enerjisi İnstitutunun əməkdaşları Günəş enerjisini elektrikə çevirərək batareyaya ötürən plyonka hazırlayıblar. Bu plyonkanı istənilən metal səthə çəkmək mümkündür. Avtomobildə bunun üçün ən optimal yer kapotdur. 

Yeni ixtiranın Volkswagen Polo avtomobilində sınaqları göstərdi ki, yayı çox da isti keçməyən ölkələrdə 1 avtomobil təxminən 4 000 km artıq yol qət edə bilər. Plyonkanın qiyməti də çox baha deyil – təxminən 150 avro. Lakin kütləvi istehsala başlamaq üçün sponsor tələb olunur.

Vüqar