Rəsmi Moskvadan həmsədrlərlə bağlı açıqlama

“Rusiya, ABŞ və Fransanın daxil olduğu ATƏT-in Minsk Qrupu həmsədrləri üçlüyünün tərkibinin genişləndirilməsi planlaşdırılmır”.

“Qafqazinfo” xəbər verir ki, bu barədə Rusiya xarici işlər naziri Sergey Lavrov yerli və xarici jurnalıistlərin iştirakı ilə keçirilən mətbuat konfransında bildirib.

“Rusiya, ABŞ və Fransadan ibarət həmsədrlər üçlüyünün tərkibini genişləndirmək planı yoxdur. Dediyim kimi, daim əlaqə saxlayırıq, dünən Jan - İv Le Drian (Fransa xarici işlər naziri- red.) ilə danışdım. Heyətim həmsədrliyin Dağlıq Qarabağla bağlı işini təmin edən Amerika təmsilçiləri ilə əlaqə saxlayır”.

O bildirib ki, növbəti həftə Minsk qrupunun Fransa və ABŞ-dan olan həmsədrlərinin Moskvaya səfəri gözlənilir.

“Biz onlara sülhməramlı qüvvələri necə yerləşdirdiyimizi barədə ətraflı məlumat verəcəyik və ehtimal ki, dediklərimlə - Dağlıq Qarabağ və ətrafındakı bütün etnokonfessional icmaların hüquqları nəzərə alınaraq dinc bir həyat qurmağa necə kömək edə biləcəyimiz barədə məsləhətləşəcəyik”.