Şəhid olan əsgərin son videosu: "Əgər mən şəhid olsam"... - VİDEO

Qarabağın işğaldan azad olunması uğrunda gedən döyüşlərdə şəhidlik zirvəsinə ucalan əsgərimizin son çəkdiyi video sosial şəbəkədə yayılıb. Əsgər Allahyarov Şahin Hüseynbala oğlu şəhid olmamışdan öncə bu videonu çəkərək həyat yoldaşı və ata-anasına son sözlərini deyib:
"Mən ölsəm mənim üçün ağlamayın. Son xahişim də budur ki, şəhid olsam oğluma mənim adımı qoyarsınız".

Şəhidimiz çəkdiyi videoda qeyd edir ki, "həmişə arzu etmişəm ki, atam və anam mənimlə fəxr etsin".
Şübhəsiz ki, onunla nəinki atası və anası, hətta Azərbaycan xalqı fəxr edir. 

Qeyd edək ki, şəhidlik zirvəsinə ucalan Allahyarov Şahin Hüseynbala oğlu Quba rayonunun Zizik kəndində doğulub. Torpaqlarımızın işğaldan azad olunması uğrunda isə ordu sıralarına könüllü olaraq qoşulub. 

Təbriz