Sürət qutusunun dəstəyi əsgərin əlində qaldı - FOTO

Rusiyanın hərbi-sənaye kompleksi son 2 ildə tam gücü ilə işləyir. Ordunun tələbatını ödəmək üçün çox vaxt silah və texnika yoxlanılmadan döyüş zonasına yollanır. Keyfiyyət isə bəzən bərbad vəziyyətdə olur. 

Avtosfer.az xəbər verir ki, Rusiya ordusu üçün alınan UAZ avtomobillərinin keyfiyyəti artıq yüksək səviyyədə müzakirə edilir. Ukrayna müharibəsinə yola salınmış maşınlarda detallar qopub düşür, antifriz və yağ axır. Döyüş gedən vaxtı avtomobillərin sıradan çıxması adi hal alıb. 

Bu günlərdə bir əsgər ötürməni dəyişərkən sürət qutusu onun əlində qalıb. Heyət ikinci maşına keçsə də lazım olan yerə çata bilməyib. Bir neçə yüz metr sonra maşındanm yağ və antifriz axıb. 

Senator Dmitri Roqozin məsələni Teleqramda ictimailəşdirib. O, zavod rəhbərliyini vəziyyəti yerində görmək üçün cəbhəyə getməyə çağırıb.

Vüqar Yaşaroğlu