Xankəndidə məktəb binası minadan təmizlənib

Rusiya sülhməramlı kontingenti Dağlıq Qarabağdakı sosial əhəmiyyətli obyektlərin minalardan təmizlənməsi üzərində işi davam etdirir. Avtosfer.az Sputnik-in erməni bölməsinə istinadla xəbər verir ki, bu barədə Rusiya Müdafiə Nazirliyi məlumat yayıb.
Ötən gün ərzində Xankəndidə yerləşən 10 saylı orta məktəbin ərazisindəki partlayıcı maddələrin axtarışı və təmizlənməsi başa çatdırılıb. Eyni zamanda elektrik enerjisi, istilik təchizatı, habelə lazımi ləvazimatların təhlükəsiz çatdırılması istiqamətində iş aparılıb.
Yaxın gələcəkdə Rusiya sülhməramlılarının dəstəyi ilə başqa təhsil müəssisələrinin açılması planlaşdırılır.
Qeyd edək ki, bu günə kimi mühəndis bölmələri Dağlıq Qarabağda 34 hektardan çox ərazini, 12 kilometrə yaxın yolu minalardan təmizləyib, 110-dan çox evi və sosial obyekti yoxlayıb. 1077 partlayıcı obyekt aşkar edərək zərərsizləşdirib.