Xocalı soyqırımının ən fəal iştirakçısı Qarabağda ağır yaralandı

Dağlıq Qarabağda gedən döyüşlərdə “Aramo” adlı terror taborunun komandiri polkovnik Aram Torqomyan ağır yaralanıb.

Bu barədə Türkiyə mətbuatı məlumat yayıb.

Ermənilərdən təşkil edilmiş “Aramo” adlı silahlı dəstə 1992-ci ildə Xocalıda dinc sakinlərin qəddarlıqla öldürülməsində iştirak edib.

Xocalı soyqırımı nəticəsində 63-ü yeniyetmə olmaqla 613 Xocalı sakini qətlə yetirilib, səkkiz ailə tamamilə məhv edilib.

Həmçinin, 1992-ci il fevralın 17-də Ermənistanın hərbi birləşmələri “Arabo” və “Aramo” hər tərəfdən mühasirəyə alınmış Xocavənd rayonunun Qaradağlı kəndinə hücum ediblər.

Onlar dinc sakinləri, o cümlədən qadınlar da olmaqla, 38 nəfər əsir-girovu kəndin kənarında qətlə yetirərək xəndəyə töküblər.