Yanacaq hansı halda çox işlənir: Kondisonerdə, yoxsa açıq pəncərədə?

Bu gün bir çox sürücü isti havada belə yanacağa qənaət üçün kondisionerdən istifadə etmir. Səbəbini soruşduqda isə təmiz hava xoşladıqlarını iddia edirlər. Əlbəttə ki, bu cavab əksər hallarda yalandır. 

Avtosfer.az-ın xəbərinə görə, Almaniyanın ADAC avtomobil klubunun testləri Scoda Octavia modelində kondisionerin 1 saata 430 qram benzin sərf etdiyini üzə çıxarıb. Eyni halda avtomobil açıq pəncərə ilə hərəkət etdikdə sərfiyyat 0,5 litrə çıxır. Bir sözlə, kondisioneri söndürüb yayın istisində bişməklə heç bir qənaət hasil olmur. 

Bir faktı da unutmayaq: Mühərrik həcmi az olan modellərdə, xüsusən də benzin mühərriklərində kondisioner qoşularkən yanacaq sərfi daha ciddi şəkildə artır. Böyük həcmli Dizel mühərrikli avtomobillərdə bu fərq çox da hiss olunmur.

Vüqar