Yəhudi icması üçün xüsusi avtobus

Xəbər başlığını görən oxucu bəlkə də bir anlıq tarixi yadına salacaq. Hitler Almaniyasında 1939-cu ildə yəhudilərin ictimai nəqliyyatdan istifadəsi qadağan edilmişdi. Polşa və digər ərazilərdə isə onlar yalnız xüsusi nişanlanmış tramvayla hərəkət edə bilərdilər. Lakin böyük filosof Marksın dediyi kimi tarix ikinci dəfə təkrarlanır. 

Avtosfer.az xəbər verir ki, bir neçə gün əvvəl Londonda 2 yəhudi məhəlləsi arasında xüsusi avtobus reysi təşkil edilib. Bələdiyyənin bu addımı atmaqda məqsədi son aylarda artan antisemit davranışlar fonunda yəhudi icmasının təhlükəsizliyini təmin etməkdir. Artıq bu məhəllədən digərinə hərəkət edən yəhudi əsilli londonluların avtobus dəyişməsinə zərurət qalmayacaq. Avtobuslar saat 7.00-dan 19.00-dək xidmət göstərəcək. 

Bu xəbəri gördükdə insanın ağlına istər-istəməz belə bir sual gəlir. Oxşar hadisə Azərbaycanda olsa Qərb buna necə reaksiya verərdi? Cavab məlumdur.
Fərq budur ki, əsrlərdir Azərbaycanda çox sayda xalqın nümayəndələri və müxtəlif dinlərin daşıyıcıları mehriban şəraitdə yaşayırlar. Antisemitizm, irqi və dini ayrıseçkilik bizim ölkəmizə yaddır.
 

Vüqar