Yerüstü radardan yayındı, helikopterdən yayına bilmədi – 285 km/saat - VİDEO

Avropada ən çox radarın olduğu ölkələrdən biri İspaniyadır. Buna rəğmən ölkədə sürət həddini aşanlar tapılır. Eynən İspaniyaya istirahətə gəlmiş bu irlandiyalı kimi.
Avtosfer.az xəbər verir ki, “Porsche 911”lə sürət həddini aşan sürücü elə düşünür ki, heç kim görmür. Lakin polis helikopterinin onu izlədiyindən xəbəri yox idi. Helikopter presizion sürətölçmə radarı ilə təmin edilib və xətası yox sayılacaq qədər azdır. Beləcə, avtomobil 285 km/saat sürətlə radara düşür.
Təbii ki, helikopter qayda pozana müdaxilə etmir. Heyət məlumatı yerdə xidmət aparan heyətə ötürür və avtomobil saxlanılır. Sürücü Madrid polis idarəsinə dəvət edilir. Orada izah edilir ki, ölkədə maksimal sürət 120 km/saat olduğu halda, o 285 km/saat sürətlə gedib. Yəni, normanı 165 km/saat aşıb. Onu ağır cərimə, qısa müddətli həbs və 4 il İspaniyada nəqliyyat vasitəsini idarə etmək qadağası gözləyir.