Bakıda “20 Yanvar” metrostansiyasının qarşısında acınacaqlı vəziyyət hökm sürür.

Baku.ws-ə danışan sakinlər bildirirlər ki, hər gün metrostansiyanın qarşısındakı dayanacaqda avtobuslara minmək üçün sözün əsl mənasında mübarizə gedir.

Vətəndaşlar gündəlik olaraq istifadə etdikləri avtobuslara minməkdə ya çətinlik çəkirlər, ya da avtobusda sıxılmış vəziyyətdə getmək məcburiyyətində qalırlar.

Mövcud vəziyyət paytaxt sakinlərinin hər gün stres yaşaması və əsəblərinin tarıma çəkilməsi ilə nəticələnir.

Yerli sakinlər problemin əsas səbəbinin metrostansiyaların bağlı qalmasında görürlər.