Millət vəkili orduya təkər göndərdiyi üçün BNA-a təşəkkür etdi

Milli Məclisin duputatı Arzu Nağıyev Bakı Nəqliyyat Agentliyinin rəhbərliyinə və kollektivinə təşəkkür edib. 

Avtosfer.az xəbər verir ki,millət vəkili bu barədə facebook hesabında paylaşım edib. Onun sözlərinə görə, "Tovuzda Azərbaycan Ermənistan sərhəddində son düşmən təxribatı zamanı bir daha xalq-dövlət, xalq-ordu birliyinin nə qədər möhkəm və sarsılmaz,vacib olduğunun şahidi olduq. Sıravi vətəndaşlardan tutmuş müxtəlif təşkilatlara qədər Orduya,əsgərə dəstək olmaq üçün əllərindən gələni edirdilər.
Bu təşkilatlardan biri və öndə gedəni də Bakı Nəqliyyat Agentliyidir. Agentlik bu həssas dönəmdə qısa vaxt kəsimində 2 yük avtomobili karvanı olmaqla 31 tırla 13 mindən artıq təkəri cəbhə xəttinə yola salıb. Bu təkərlərin müdafiənin təşkili baxımından necə əvəzsiz bir material olduğunu mütəxəssislər yaxşı bilir və hərbiçilərimizi düşmən gülləsindən qoruyacaqdır.

Hazırki çətin şəraitdə öz işləri ilə bağlı üzərində böyük məsuliyyət olmasına baxmayaraq Orduya göstərdikləri dəstəyə görə Millət Vəkili olaraq Bakı Nəqliyyat Agentliyinin İdarə Heyətinin sədri Vüsal Kərimli və kollektivin bütün üzvlərinə öz dərin minnətdarlığımı bildiriəm..."