Azərbaycan Dəmir Yolları”da görüş

“Azərbaycan Dəmir Yolları” Qapalı Səhmdar Cəmiyyətində Fransanın "Bombardier" Şirkətinin nümayəndə heyəti ilə görüş keçirilib. QSC-nin sədri Cavid Qurbanov giriş sözü ilə çıxış edərək Azərbaycan Dəmir Yolunda reallaşdırılan layihələr, qarşıda duran perspektiv vəzifələr haqqında ətraflı məlumat verib.

Görüşdə Dünya Bankının Layihəsi çərçivəsində “Bakı-Böyük Kəsik dəmir yolu dəhlizində 25kV 50Hz enerji sisteminə uyğun rabitə və digər əlaqəli komponentlər daxil olmaqla işarəvermə sisteminin layihələndirilməs, təchizatı və quraşdırılması” məsələsi müzakirə olunub.

Məlumat verilib ki, podatçı təşkilat – “Bombardier-TransSignalRabitə BM” (İsveçrə-Rusya- Azərbaycan) şirkəti tərəfindən bu istiqamətdə indiyə kimi 1, 2 və 3-cü hissələr üzrə işçi layihələr hazırlanıb. 1-ci hissədə Böyük Kəsik - Gəncə sahəsində işlər başlayıb. Böyük Kəsik-Ağstafa hissəsiındə 13 stansiyadan 5-də işlərin 80%-ə qədər görülüb. 4 stansiyada işə başlamağa hazırlıq işləri görülür. 1-ci hissənin kabel işlərinin əsas hissəsi həyata keçirilib.

Tövsiyə edilib ki, podratçı şirkət ehtiyatlarını artırmalı iki və ya üç hissədə eyni vaxtda işə başlamalıdır və müqavilə şərtlərinə uyğun olaraq, vaxtında icra olunmalıdır.