Sürücülük kursu vətəndaşdan pulunu alıb təlimləri keçirmədi - ŞİKAYƏT - FOTOLAR

Vətəndaşlardan biri sürücülük kursu ilə bağlı qarşılaşdığı problemlə əlaqədar Avtosfer.az-ın qaynar xəttinə müraciət edib. 

Şikayətçi Nazpəri Əhmədova bildirib ki, kursa yazılaraq əvvəlcədən ödəniş etsə də, sonradan dərslər keçirilməyib.

Onun sözlərinə görə, dəfələrlə kursla əlaqə saxlamağa çalışsa da, müraciətlərinə cavab ala bilməyib. Vətəndaş müxtəlif vaxtlarda ödənişlər etdiyini və bunu təsdiqləyən qəbzlərin olduğunu bildirib. 

Nazpəri Əhmədova qeyd edib ki, məqsədi məsələni ictimailəşdirmək və digər insanların da oxşar vəziyyətlə üzləşməsinin qarşısını almaqdır.

Fatimə