Badamdar dairəsi yaxınlığındakı səki əlillərə çətinlik yaradır - FOTO

Badamdar şosesi yaxınlığında yerləşən səkidə quraşdırılan pilləkən və pandus sakinlərin narazılığına səbəb olub.
Avtosfer.az xəbər verir ki, ərazidən istifadə edən vətəndaşlar səkidə səbəbi məlum olmayan şəkildə bir neçə pilləkən və pandusun yerləşdirildiyini bildiriblər.
Sakinlərin sözlərinə görə, düz səkidə ardıcıl olaraq iki pilləkən və pandus yuxarı, bir pilləkən və pandus isə aşağı istiqamətdə quraşdırılıb. Onlar bu əlavənin mənasız olduğunu və piyadaların hərəkətinə ciddi maneə yaratdığını deyirlər.
Vətəndaşlardan sosial şəbəkələrdə qeyd edir ki, səki onsuz da dar olduğu halda, bu konstruksiya hərəkət zolağını tam tutaraq keçidi çətinləşdirir. Bu hal xüsusilə əlilliyi olan şəxslərin hərəkətinə əlavə çətinlik yaradır.
Bəzi sakinlər isə ehtimal edirlər ki, həmin ərazidə su və digər yeraltı kommunikasiya xətlərində əvvəl hər hansı nasazlıq olub və bərpa işləri zamanı belə bir həll forması seçilib. Onların fikrincə, mənasız görünən bu maneə aradan qaldırılmalı, piyadaların rahat hərəkəti üçün səki yenidən tərtib edilməlidir.

Fidan