Bakıda avtobus marşrutlarının informasiya sistemi hazırlanacaq

Nəqliyyat, Rabitə və Yüksək Texnologiyalar Nazirliyinə məxsus "Avtomobil Nəqliyyatı ilə Daşımaların Təşkili" MMC avtobus marşrutlarının informasiya sisteminin (o cümlədən, interaktiv xəritənin) hazırlanması üçün kotirovka sorğusu elan edib.

Avtosfer.az xəbər verir ki, sorğuda iştirak etmək istəyənlər təkliflərini sabah, saat 11:00-a qədər Bakı şəhəri, Binəqədi rayonu, Ağasadıq Gəraybəyli küçəsi, 29 ünvanına təqdim edə bilərlər.

Maraqlanan təşkilatlar (012) 561-76-03 telefon nömrəsi ilə əlaqə saxlaya bilərlər.