Bakıda piyada səkiləri zəbt edilir - Tədbir görüləcəkmi? - VİDEO

Bakıda avtomobillər piyada səkilərini zəbt edir.

Avtosfer.az-ın məlumatına görə, söhbət Nərimanov rayonu, Koroğlu Rəhimov və Yahya Bakuvi küçələrinin kəsişməsindən gedir. Sürücülər avtomobillərini səkidə park etdiklərindən piyadalar yolun hərəkət hissəsinə çıxmağa məcbur qalırlar ki, bu da onların həyatı üçün ciddi təhlükə yaradır. Məsələ ilə bağlı Bakı Nəqliyyat Agentliyindən bildirilib ki, avtomobillərin səkilərdə park edilməsi qayda pozuntusu olmaqla yanaşı, həm də piyadaların hərəkət təhlükəsizliyi baxımından risk yaradır. Qeyd edilib ki, mütəmadi olaraq bu cür qayda pozan sürücülərə qarşı inzibati tənbeh tədbirləri görülür. Həmçinin, avomobillərin səkilərdə parklanmasının qarşısını almaq üçün tumbalar quraşdırılır. Bu ərazidə də anoloji tədbirlərin görülməsi nəzərdən keçiriləcək.